Ruti Heowá aban Wasalbaragüle

29 Le furumiñeti sífiri gürigia le ladügübei Bungiu, ligía furumiñetibei liráü.

Wéiriti línsiñe lun Bungiu. Layusurubei lun lagumuchaguagüdüniñu sun wuríbatiñu lasalbarubaña giñe sun ha gaganbadibaña (Huan 3:16, 36).

30 Óunahalumuti Heowá liráü lun lagüriahoun ubouagu. Hesusu meha líribei. María meha tíribei lúguchu (Lúkasi 1:30-35).

31 Dan le laweiridunbei Hesusu, arufudahati gíbeti katei buiti. Arufudahati meha Heowá rügüñein lan Bungiu le inarüniti (Márükosu 12:29, 30).

Ariñegati Hesusu lúnrügübei lan Heowá wáhuduragua (Matéu 4:10; Huan 4:23, 24).

Arufudahati gíñe houn gürigia luagu larúeihan Heowá (Lúkasi 17:20, 21).

32 Areidaguagüdati Hesusu sanditiñu. Adügati gíbeti buiti. Madügünti katei wuribati (Adügaü [Hechos] 10:38; 1 Féduru 2:21, 22).

Ida luba hamugati lasalbaruniwa lídangiñe figóu luma óunweni?

33 Mosu meha ladagaragüdün lun Bungiu lun lasalbaruniña ha buidubaña. Dan meha ligira, erengati Bungiu houn gürigia lun hadagaragüdün animaalugu luagu hafigoun (Ebüréu 7:25, 27).

34 Madagaragüdünti Hesusu animaalugu. Ligía ederegeragubei lungua keisi aban sákürifisiu wawagu (Matéu 20:28; Ebüréu 10:12).

Subuditi hun ka lan uagu?