Kátaña lumadagubaña Bungiu?

Hesukrístu liráübei Heowá ani ligía lumada le umabei buidutima lan lanaagun lungua ligía giñe hínsiñetimaabei lun. Lubaragiñe lawinwandun kei wügüri Ubouagu, wínwanti Hesusu siélu keisi aban ánheli gabafuti (Huan 17:5). Lárigiñe ñübuinti Ubouagu lun larufudahani inarüni luagu Bungiu houn gürigia (Huan 18:37). Gama lumoun, ru lumuti libagari keisi gürigia garaüwarügüti lun lasalbaruniñu gürigia gaganbaditiñu lídangiñe figóu luma óunweni (Rómana 6:23). Guenlé Hesusu Urúeibei lidan Arúeihani le lani Bungiu, aban arúeihani le siélubei le lunbei ladügüni Ubóu paraísume (Arufudúni 19:16).

Lumadagu giñe Bungiu ánheligu. Magumeserun hamuti ánheligu habagari keisi gürigia garaüwarügütiñu Ubouagu. Sielu hadügüwa lubaragiñe ladügüni Bungiu Ubóu (Hobu 38:4-7). Añahein miñonu ánheligu (Danieli 7:10). Busentiñu lumadagu Bungiu ha siélubaña lun hafurendeiruni gürigia inarüni luagu Heowá (Arufudúni 14:6, 7).

Gamadaguti giñe Bungiu Ubouagu; aba lagúahan houn gefentiñu luagu. Aban gefenti le ligíbugiñebei aguseragülei erenga lumuti le lasubudirubei luagu somu gürigia o somu katei. Ha Gefentiñu luagu Heowá adimureha hamuti le hasubudirubei luagu Heowá luma lisuuni houn amu gürigia (Isaíasi 43:10). Kéisigubeirügü ánheligu, busentiñu Gefentiñu luagu Heowá híderagunün afurendeirei inarüni luagu Heowá. Busentiñu giñe lun lumada humá Bungiu.