Ebelaagülei lun fánreinti 3

Fiúrügüñanu gürigia eseriwidutiña lun Heowá hádangiñe sun ha tíridubaña Bíbülia lidan burí irumu le lárigiñebei Guran. Abüraámü aban hádangiñe. Subudiwati meha kei lumada Heowá. Wafurendeiruba ka lan uagu laguarúa lun ítara. Anhein gasaanigu hubéi, íderagua humaña arihei berese lan Heowá lau kada aban hádangiñe ani busén lan líderaguniña. Gayaraati wáyeihani Abüraámü hama amu lubúeingu Bungiu ha meha úaraguabaña lun, kéiburi Lotu luma Hakobu, lau manufudedun wamá wamuriahan ídemuei luma Heowá, afiñeñu luagu lagunfulirubei lan sun le füramase láalibei.