Ebelaagülei lun fánreinti 7

Layanuhaña fánreinti le luagu le asuseredubei lidan kéiburi 80 irumu. Abahüdaguati luagu libagari urúei Saulu luma libagari urúei Dawidi. Ǘnabuguti meha Saulu furumiñe, gaganbadi ligía lun Bungiu. Gama lumoun, sánsiti murusun dan lárigiñe, mabusenrunhali meha lafalaruni ladundehan Heowá. Ligía aba lubéi mabusenrun laali lan Heowá Saulu kei urúei, ábati lariñagun lun Samueli lun lanúadiruni Dawidi lun ligíaba lan iseri lurúeite Ísüraeli. Wéiriti meha gimugaü le lasandirubei Saulu luagu Dawidi, ligía láluahanbei chansi lun láfaruni hilagubei. Ni ítara, mafayeirun lumuti Dawidi Saulu lau wuribani. Ánheinti Yónatan, le lisaani Saulu, úaraguati meha lun Dawidi ladüga subudi lani Heowá lan anúadirubalin. Íbini héigua lan Dawidi lidoun figóu wéinamuti, súnwandan meha lánharun lun lererehan Heowá. Anhein gasaanigu hubéi, íderagua humaña arihei súdini lan wafalaruni ladundehan Heowá gaganbadi wagíame lun.