Ebelaagülei lun fánreinti 8

Biní lumuti Heowá Salomón lau líchugun saragu lichú aau lun luma lubuidun chansi lun lábunagunu ténpulu. Gama lumoun, lau lásügürün dan, aba ígireina lani Salomón Heowá. Anhein gasaanigu hubéi, afuranguagüda huméi houn adüga hamá gürigia ha meha áhuduragubaña houn búngiugu mama inarünitiña lun ladisedun Salomón luéi Bungiu. Aba lafanreinragun arúeihani ani adügatiña urúeigu wuribatiña lun hagarabaagun lílana Ísüraeli luagun Bungiu luma lun háhuduragun houn guáriua. Lidoun dan ligía, éibaahouatiña ani afarúa hagía bandi lánigu Heowá profeta ha meha úaraguabaña lun. Ábatima tínchahaniña urúei Hesawéli lílana arúeihani le nórutebei lidoun áhuduraguni mama inarüniti. Aban meha dan hénrenguti lira lidan habagari ísüraelina. Lau sun lira, añaheingua meha bandi lubúeingu Heowá ha úaraguatiña lun hadan ísüraelina, kéiburi urúei Hosafátü luma profeta Elíasi.