Adüga humá álügüdahani

Matéu 16:13-16

LE LUNBEI HADÜGÜNI: Adüga humá álügüdahani lau inebesei houn gürigia le adügüti lun busén hamá hasigirun aganbaün, le ídehati lun hasaminarun luma lun gunfuranda hamani puntu le súdinibei.

IDA LUBA HADÜGÜNI?

• Adüga humá lun letenirun gürigia lun le hariñagubei luma lun busén lan lasigirun aganba. Adüga humá álügüdahani le unti magurabun humá óunabagülei, le adügüti lun busén lan gürigia lasigirun aganba, ínchahaleime asaminara luagun aban óunabagülei.

• Íderagua huméi gürigia asaminara. Íderagua humaña ha aganbubalün asaminara lau hadügün álügüdahani burí houn, le ídehati lun harihini houngua ka lan óunabagülei richabei.

• Írida huméi puntu burí le súdinibei. Lubaragiñe híridun somu puntu súdiniti, adüga humá aban álügüdahani le adügüti lun busén hamá gürigia hasigirun aganba. Adüga humá álügüdahani lánina águyuguagüdüni lárigiñe híriduni kada puntu le súdiniti o lubaragiñe hagumuchun.