Áluaha huméi le buídubei houn amu

Le meha ladügübei Hesusu

BIDÉU: Layanuhan Hesusu tuma aban würi lubadu aban fusu

1. Ariha huméi BIDÉU o aliiha huméi Huan 4:6-9. Ábameti hasaminarun luagun álügüdahani burí le:

1. Ka meha un letenira Hesusu lubaragiñe latatirun ayanuha tuma würi to?

2. Ariñagati Hesusu tun: “Ruba murusun duna nun”. Ka uagu buidu lubéi latatiruni yanu ítara?

Ka wafurendeirubei lúmagiñe Hesusu?

2. Chóurutimati haganbubadiwa lan gürigia ánhawa agumesera lau wayanuhan luagu katei le uágubei habusenra haganbun.

Áyeiha huméi Hesusu

3. Aranseñu humá lun hadügün asansiruni. Ayanuha humá luagu le uágubei labusenra gürigia layanuhan íbini yebe luagu lan amu katei hasaminara hayanuhan. Álügüdagua humá hungua:

1. “Ka aganbahóubei lidan ñunsu?”.

2. “Ka uagu hayanuha nubesinanigu, nupaanágu lidan wadagimanu o nupaanágu leskuelarugu?”.

4. Teni humá lun le geyegubei hau. Álügüdagua humá hungua:

1. “Ka ladaagubei gürigia reiti guentó? Ka funa san uagun lasaminara?”.

2. “Ka larufudubei ligaburi laríawagun, ligaburi lasansiragun luma ida tiña lan luban nun luagu lafiñen luma lechun?”.

3. “Aban san oura buiti le lun nayanuhan luma?”.

5. Ru humá arigei.

1. Madimureha humá saragu.

2. Ru humá chansi lun gürigia lun lariñaguni le lasaminarubei. Danme le harihini buídubei lan lun hadügüni, adüga humá álügüdahani.