Buidutimalá wadügüni katei: Ayanuha humá hama gürigia lubaragiñe hapurichihan houn

Apurichihati Hesusu tun würi samariana ladüga ayanuha lan meha furumiñe luagu amu katei tuma. Ka gayaraabei wadügüni lun wagumeserun ayanuha hama gürigia ha ibidiñebaña woun?

• Ayanuha humá lau gamadóuni hama sun gürigia. Íbini buchá lan meha luagu Hesusu, gumeseti ayanuha lau lálugun murusun duna lun latun. Gayaraati giñe hagumeserun lau habusuragun houn gürigia lau gamadóuni, hayanuhan luagu ligaburi dan o luagu somu katei le málügili lúmagiñe lasuseredun. Haritagua huméi busenrügü humá hagumeserun ayanuha luma gürigia, ligíati, ayanuha humá luagu furumiñeguarügü katei le gayaraabei ladügün lun busén hamá gürigia hayanuhan. Masuseredunbei ni kata anhein mibihin humá le yebe habusenrubei. Ayanuha humá luma amu gürigia ani amuriaha humá ganigi luma Heowá (Nee 2:4; Adü 4:29).

• Aranseñu humá lun hayanuhan luagu uganu buiti ani móufudahan humá. Ígira humá lun lawanserun yanu buidu. Anhaün afosurei gürigia mabusenrunbei lasigirun ayanuha. Mírudagua humá anhein agumucha hiyanun ani mayanuhatün luagu Heowá. Anhein hénrengu lubéi hun hagumeserun apurichiha, gumese humá ayanuha mapurichihanga. [Arihagüda huméi bidéu 1, ábameti hakutihani hama lílana damuriguaü].

• Áluaha humá chansi lun hapurichihan lau hariñagun somu katei tídangiñe sun hanigi luagu le wafiñerubei le gayaraati ladügün lun lálügüdahan gürigia. Ariñagati meha Hesusu saragu katei tun würi samariana le adügübei lun tagumeserun álügüdaha. Dan le layanuhanbei tun luagu Larúeihan Bungiu lóunabarügüñein meha le tálügüdahabei. [Arihagüda huméi bidéu 2, ábameti hakutihani hama lílana damuriguaü. Lárigiñe, ábame hadügüni ligiaméme lau bidéu 3].