WABAGARI KEISI KRISTIÁNUGU

Manufudeda humá hagumeserun ayanuha tuagu Bíbülia

Lau hayanuhan luagu uganu buiti houn gürigia íbini mama lan hapurichihaña, másiñati buídubei lan ani buídubei lidin hun. Gama lumoun, añahein íbirigu aba burí hadadagarun dan le hagumeserun ayanuha hama gürigia ladüga hasaminarun saragu ida luba lan hagumeserun ayanuha tuagu Bíbülia. Lubaragiñe hasaminarun ida luba lan hapurichihan, berese humá hau gürigia (Mt 22:39; Fili 2:4). Anhaün adarira chansi lun hayanuhan luagu hafiñen lidan aünha lan ayanuha hama gürigia, anuhein saragu agumeiraguagüdüni huma to gayaraaboun tíderagunün lun hapurichihan.

Ida luba tíderagunün agumeiraguagüdüni burí to lun hapurichihan danme le gachansin humá lun hadügüni?

Tárüheta lun hebelurun gürigia lidoun jw.org.

Kaba hóunabagüle

Tiyawa ámuñegueinarügü tratadu. 1. “Ida liña san harihinu Bíbülia?” 2. “Ka hisaminanbei luagun dan le lunbei liabin?” 3. “Ka hemegeirubei familia lun gunda lan habagari?” 4. “Káteitima san gamaniharibei lau ubóu?” 5. “Lachülürüba san dan lun masufurirun wamá?” 6. “Gayarati funa san habagaridunya gürigia ha hilaguaañabaña?” 7. “Katei san Larúeihan Bungiu?” 8. “Halía ladarirúa lóunabagüle álügüdahani le hadügübei gürigia hóuniwagua?”

Kaba hóunabagüle

LÁRIGIÑE HARIHINI BIDÉU “LAU GÜRABU LAYARAHÓUA GÜRABU”: HAGUMESERUN AYANUHA TUAGU BÍBÜLIA, ÓUNABA HUMÉI ÁLÜGÜDAHANI LE:

Kaba ǘrüwa katei íderaguaün lun hagumeserun ayanuha hama gürigia luagu le tariñagubei Bíbülia?

Kaba hóunabagüle