Ka dan ídanbei lunti lan hararamuni yanu?

Anhein adüga aban gürigia aban álügüdahani woun lídangiñe sun taruman lanigi o busén lan lun wafuranguagüdün somu katei lun le ídanbei múaran lan wama, mama mosu wararamuni yanu. Busentiwa wayanuhan hama gürigia “ha lúntiñabaña ibagari le magumuchaditi” (Adü. 13:48).

Kati gayaraabei wadügüni anhein safagu liña lubéi gürigia, busenrügü lan lasigenehan o mabusenrun lan layanuhan wama? Anhein ítara liña lubéi, gayaraati hararamuni yanu lau inebesei (Ari. 17:14). Ayouragua humá lun gürigia ligía lau gamadóuni. Kaba wasubudira anhein aranseñu luba lubéi gürigia ligía lun laganbuniwa amu weyu? (1 Fe. 2:12).