ÁLÜGÜDAHANI BURÍ TUAGU BÍBÜLIA
Buídutimabei san wabagari ámuñegü?
Seremei lounwen Hesusu, wawinwanduba lidan aban ubóu le ídanbei masaminarunhaña lanme gürigia hawouguounrügü.
Lasigiruba siensia awansera. Gama lumoun, ladügüba san awanseruni ligía lun buídutima lan katei ani lun masaminarun hamá gürigia hawounguounrügü? Hénrengubei. Lidan ubóu le hawouguounrügü gürigia hasaminara. Gama lumoun, busenti Bungiu aban katei buítimati houn gürigia. (Aliiha huméi 2 Féduru 3:13.)
Ariñagatu Bíbülia ñeinbei lan ínsiñeni lidan sun ubóu. Chóurubei hasandiragun gürigia houngua, ani úabei ni aban lunti ladügün wuribani lun gürigia líledi. (Aliiha huméi Mikeasi 4:3, 4.)
Ida luba lagumuchún lau hasaminarun gürigia hawouguounrügü?
Dan le meha ladügünbalin Bungiu furumiñeti wügüri, Adán, madügün lumuti lun luouguounrugü lan lasaminara, lugundun mafigounti meha. Gama lumoun dan le desidírü lubéi Adán maganbadi lan lun Bungiu, aba lafigouhan. Galagante wamuti figóu lúmagiñe Adán luma igaburi lun wawouguounrügü lan wasaminara. Layusurubei Bungiu Hesusu lun lesefuruniwa lídangiñe figóu. (Aliiha huméi Rómana 7:21, 24, 25.).
Lun lagunfulirun lisuuni Bungiu, derege lumuti Hesusu libagari lun lesefuruniwa luéi lani lifigoun Adán efekütu (Rómana 5:19). Ítara liña ladügün Hesusu lun hibihin gürigia aban lubuidun ibagari ámuñegü danme le masaminarunhaña gürigia hawouguounrügü ani úaalime figóu. (Aliiha huméi Sálumu 37:9-11.)