Ka san lasandirubei Bungiu dan le larihiniwa asufurira?
Añahein saminatiña meberesen lan Bungiu lau asufuriruni ani marihin lani.
SAMINA HUMÁ LUAGU LE TARIÑAGUBEI BÍBÜLIA
Ariha lumuti Bungiu asufuriruni ani bereseti lau
“Dan le larihinbei Bungiu luagu hanarime lan hariban gürigia ha ubouagubaña, [...] aba lírudun” (Agumesehani 6:5, 6).
Lagumuchaguba Bungiu lau asufuriruni
“Málühaña ánhaña ua wuribatiña, gayaraabei báluahaniña, ani madaribubaña. Ánhaña ha ǘnabubei hanaagun houngua, hagíaba laburiña múa, habagariduba lidan darangilaü le dayarüti” (Sálumu 37:10, 11).
Ka labusenrubei Bungiu hun?
“Subudi numuti naransehan hubá, aransehani lun buiti mama lun wuribati hun, lun gayaraabei lan níchuguni dan le lunbei liabin buin lau emenigini hun. Au, le Aburemei ariñagubalin. Ábameti hagúahanina, afurieida huguyame nun ábame naganbunün” (Heremíasi 29:11, 12).
“Yarafa humá lun Bungiu, ábame giñe layarafadun hun” (Santiagu 4:8).