Gefentiña luagu Heowá: arufuda hamuti hafiñen. Fánreinti 2: Ígiratiña lun ladunrangun halanpun
Dan le láfuridunbei íbiri Rutherford úara hama lánigu paaná furisunrugugiñe lidan irumu 1919, aba hagumeserun Aturiahatiña Bíbülia adüga aban óunwenbu wadagimanu. Arufuda lumuti DVD Los testigos de Jehová: una historia de fe viva. Parte 2: Dejan brillar su luz gagibugua hamá hama saragu áganiñu, aba lan aganwoundeinatima lan gunfuranda hamanu Bíbülia ani aba lan lederebugudun hafiñen (Ari. 4:18; Mal. 3:1-3; Huan 15:20). Lárigiñe harihini DVD, houcha humá hóunabuni álügüdahani burí le.
1) Ida liña meha hasubudiragüdüni Aturiahatiña Bíbülia uganu buiti? Írida humá fiú manera. 2) Ka meha ñunsu ichugúbei lidan adamurini espechaliti le adügǘbei lidan irumu 1931 luma 1935? 3) Ka meha ariñahani súdiniti akutihóubei tidan Garüdia Atalaya to lánina 1 lidan unsu-hati irumu 1939 lidan giyou? 4) Abahüdaha huméi le asuseredubei lidan Madison Square Garden dan le líchugunbalin íbiri Rutherford yanu le gíribei “Arúeihani luma darangilaü”. 5) Ka meha uagu weiri lubéi lisudinin yanu le gíribei “Darangilaü... laduraruba san?”, le líchugubei íbiri Knorr? 6) Ka hadügübei gefentiña luagu Heowá lidan irumu 1942 lun laganwoundun apurichihani? 7) Írida humá fiú lídangiñe wuribu lánina lúrudu le ageindawagúbei Meriga, Canadá luma Güresia. 8) Ida liña tídehan Leskuela to gíriboun Galaadü lun laganwoundun lapurichihóun uganu buiti? 9) Ka wadagimanu súdiniti hadügübei gefentiña luagu Heowá lidan irumu 1946, ani ka uagu? 10) Ka hadügübei gefentiña luagu Heowá lun lúaradun hagaburi luma lilurudun Bungiu? 11) Írida humá fiú lídangiñe asansiruni le meha adügǘbei lidan burí irumu ǘrüwa-wein-diisi lun gayara lan lúaraduntima óundaruni luma le tarufudahabei Bíbülia. 12) Ida liña líderagunün DVD le lun gunfurandatima humani Heowá lan gamaniharibei lau sun katei ani ligía lan laburemebei óundaruni le? 13) Ida liña líderagunün DVD le lúntima desidírü humá hasigirun apurichihei uganu buiti lau ubebeni íbini lidan lénrengunga? 14) Ida luba hamuga hayusuruni DVD le lun híderaguniña hiduheñu, gürigia ha aturiahabarun Bíbülia huma o amu gürigia?
Kada weyu ásügürüti, labürüdǘn aban iseri kapítulu lidan habagari gefentiña luagu Heowá. Kaba san abürüdǘwa ñein luagu áfaaguni le wadügübei lidan wani ministeriu? Áyeiha wamaña binadu wíbirigu: adüga wamá lun ‘lámirihan lanpu’ (2 Ko. 4:6).