Duusu resun lun wapurichihan

Ka uagu wapurichiha muna tuagu muna ani ru wagía aturiahani tídangiñeti Bíbülia? Lúnrügü funa san wíderaguniña gürigia haruma tanigi adarirei émeri le anügübei lidoun ibagari? (Mat. 7:14.) Anihán furumiñeti resun le áfuachubei tidan lísüta to asigiruboun, gama lumoun mama ligía súdinitimabei. Ka lídangiñe duusu resun le tídanbei lísüta to súdinitimabei?

1. Aban wadagimanu le esefuhabei ibagari (Huan 17:3).

2. Huuti lun leweridiruniña wuribatiña (Ese. 3:18, 19).

3. Gúnfuliti aban profesía tídangiñeti Bíbülia (Mat. 24:14).

4. Arufudati richá lan Bungiu. Danme le lagünrinchaguniña Heowá wuribatiña, úabaña ariñagutiña mibihin hamá chansi lun hasakürihan (Adü. 17:30, 31; 1 Tim. 2:3, 4).

5. Íderagua lumutiwa wadagimanu le lun wagunfulirun lau wani buligasion lun wíderaguniña gürigia asubudira luagu Bungiu, lugundun sun gürigia agañeihóuaaña lau lita Kristu (Rom. 1:14, 15).

6. Ídehati lun madurun wamá luagu hata wuribatiña (Adü. 20:26, 27).

7. Mosu wadügüni lun gayara lan wasalbarun (Ese. 3:19; Rom. 10:9, 10).

8. Ruti chansi woun lun warufudun hínsiñe hamá gürigia wáledigu woun (Mat. 22:39).

9. Warufuduñein gaganbadi wamá lun Heowá luma lun Liráü (Mat. 28:19, 20).

10. Ligía aban fánreinti lidan wáhuduragun lun Bungiu (Ebü. 13:15).

11. Ruti chansi woun lun warufuduni hínsiñe lan Bungiu woun (1 Huan 5:3).

12. Ídehati lun ladügǘn liri Heowá sándume (Isa. 43:10-12; Mat. 6:9).

Subudi wamuti mámarügüñein lan le lébuna wapurichihan. Derebugugüda lumuti giñe apurichihani wafiñen, ani ruti chansi woun lun wíderaguni Bungiu (1 Ko. 3:9). Gama lumoun le númeru 12 ligía resun le súdinitimabei. Meberesenga ida liña lan hóunabun gürigia, ídehatiwa lau wapurichihan lun ladügǘn liri Bungiu sándume. Ani seriwiti giñe lébuname lóunabun Heowá lun le anabagubalin (Ari. 27:11). Ligíati gánitiwa saragu resun buiti lun wasigirun apurichihei uganu buiti “sagü weyu” (Adü. 5:42).