Hálügüdahan nibureintiña... Kaba san nadüga lau nibagari? (Libiaman fánreinti)
Danme le hafidiruni bideu le lun harihini, ábame hanúadirun “Entrevistas” lidan menú, larigiñe ábame hanúadirun “Secciones”. Lárigiñeme harihini ǘrüwagubei seksióun, ábame hayusuruni álügüdahani burí le lídanbei párafu 2 lun háguyuguagüdüni ariñahani. Lárigiñe, ábayame hagiribudun lidoun menú lun hanúadirun “Extras”. Lárigiñeme harihini seingü fánreinti le lídanbei seksióun lánina entrewista, ábame háguyuguagüdüni le hafurendeirubei lau álügüdahani burí le lídanbei párafu 3.
Seksióun burí. Bederegeraguba san bungua lun Bungiu o bídinba lárigi katei le mebegiti?: 1) Ka burí katei adarúbei lidoun hachügü nibureintiña lun hadügüni? 2) Ida liña gayara lan líderaguniña dimurei le lídanbei 1 Huan 2:17 nibureintiña lun desidírü hamani kaba lan haturiaha? 3) Ka uagu moun lumuti lubéi hanufudedun habadiseirun? 4) Ka katei gayarabei líderagun somu gürigia lun labadiseirun? Furendeibá adarira ugundani lidan ministeriu: 5) Ka uagu añahein lubéi íbirigu masanditiña ugundani lidan hani ministeriu? 6) Kaba íderaguawa lun wadarirun ugundani lidan wani ministeriu? 7) Kátima uéi hanufude hamá saragu sügǘ lau hadimurehan hama gürigia ibidiñetiña houn, ani ka uagu? 8) Ida luba wagidaruni anufudei wawariua ani gumese wagíame ayanuha lau ganigi? 9) Ka uagu súdini lubéi waranserun buidu lubá wagunfulirun lau wani ministeriu? Aban bena hunren lun weseriwidun lun Heowá: 10) Ida liña líderaguniwa weseriwidun kei prekursoru lun wabuiduragüdüni wamadagua luma Heowá? (Fili. 3:16.) 11) Ka uagu hanufude habéi fiú hagumeseruni eseriwiduni le? 12) Ka burí adundehani tídangiñeti Bíbülia gayarabei líderaguniwa dan le nidiheri wamá luagu seinsu? 13) Ka hadügübei fiú prekursoru lun gayara lan hibihini le hemegeirubei lidan heseriwidun? 14) Ka gayarabei wadügüni anhein siñá lubéi weseriwidun lidan dan dayarüti?
Lanwoun ariñahani. Lisudinin waturiahanu Bíbülia wábuguarügü: 15) Ka uagu súdiniti lubéi gama wamá aban programa lun waturiahanu Bíbülia wábuguarügü? Amu burí manera lun wapurichihan: 16) Ka uagu gúndaatima wabéi lidan wani ministeriu dan le wadügüni lidan ámuñegueinarügü manera? Eseriwiduni Betelirugu: 17) Ka burí ugundani wadarirubei dan le weseriwidun Betelirugu? Leskuela to Aranserubaliña Íbirigu lun aban Ministeriu Espechaliti: 18) Ka burí buiti hasagarubei ha ñǘdünbaña tidan leskuela to (to gíriboun guentó Leskuela Kristiánu houn Wügüriña Mamarieidungiña)? Leskuela Galaadü: 19) Ida liña laranserun Peter tuma Fiona lun heseriwidun kei misioneru, ani ida liña tíderaguniña Leskuela Galaadü?