Hálügüdahan nibureintiña... Kaba san nadüga lau nibagari? (Furumiñeti fánreinti)
Eibu aweinamudeina hamá nibureintiña, mosu desidírü hamá luagu katei burí le súdiniti lidan habagari. Lun wíderaguniña, adügǘwati DVD Los jóvenes preguntan... ¿Qué haré con mi vida? Lun harihini pelíkula, ábame hanúadiruni “Ver drama” ábameti houchun hóunabuni álügüdahani burí le lídanbei párafu 2. Lárigiñe, lidan seksióun “Entrevistas”, ábame hanúadirun “Al mirar atrás...” ábame houchun hóunabuni álügüdahani burí le lídanbei párafu 3.
Pelíkula. 1) Ka idan genegegua lan Timotéu hama saragu nibureintiña kristiánugu uguñe weyu? 2) Ida liña ladügǘn erei luagu Andi lun lawanserun lidan huraraü? 3) Ka lariñagubei íbiri Fleissig lun Andi luagu a) labusenrun lederegeragun lungua lun Heowá luma lun huraraü? (Mat. 6:24.) b) ida liña lan libihíniwa ugundani le inarüniti? c) le laritagubei dan le larihini asiedu le meha ídanbei leiga lidan fulasu le ñein lubéi ladaürǘwa? d) gürigia ha áfuachubaña luma tuma lani weiriou tidan iyawaü? e) le lasandirubei ladüga lígiruni éibaaguni, huraraü le yebe hínsiñetimabei lun? (Fili. 3:8.) 4) Ka óunabagülei libihibei Andi dan le lálügüdünbarun lagütü anhein wuriba lubéi labusenrun aban lan gürigia súdiniti lidan éibaaguni? (Luk. 4:5-7.) 5) Gúndaati san lasandiragun lungua lárigiñebei lagañeiruni éibaaguni? 6) Kátima katei añuludaguagüdübarun hanigi lídangiñe tila gárada to lígiruboun íbiri Fleissig lun Andi? (Ari. 10:22.) 7) Seremei lídehan íbiri Fleissig, ka gunfuranda lubéi Andi?
Dan le harihin hárigoun. 8) Ka burí haturiahabei íbirigu ha álügüdüwagubaña, ani ka uagu? 9) Ka yebe ibiha hamaalibei? 10) Ka adügübei lunya hasaminaruni buidu kaba lan hadüga lau habagari? (2 Ko. 5:15.) 11) Ka wadagimanu hadügübei lidan heseriwidun lun Heowá leweñegua le meha hadügübei, ani ka uagu desidírü habéi siñati lan hasigiruni biángubei? 12) Asakürihatiña san luagu hígiruni le meha hadügübei furumiñe? 13) Nibureinti, ka burí lídangiñe katei le hariñagubei íbirigu ha adügübei lun basaminaruni buidu kaba lan badüga lau bibagari?
Lidan leweñegua Adamuridaguni lánina Eseriwiduni lakutihouba líbiri entrewista luma lanwoun ariñahani le lídanbei bideu le. Amisuraha wamutün lun haranserun lun híchuguni hóunabagüle.