Wani Páhina lánina Internet: huuti houn sun gürigia

Ruti Hesusu gumadi woun lun wapurichihani uganu buiti luáguti Larúeihan Bungiu “lidan sun ubóu lun lasubudirúniwa lidan sun fulasu” (Mat. 24:14). Lun buídutima lan wagunfulirun lau wani ministeriu, adügǘwaali aban iseri páhina lánina Internet le ídanbei loundarúa ariñahani le meha lídanbei páhina watchtower.org, jw-media.org luma jw.org (2 Tim. 4:5). Lidan garifuna www.jw.org/cab líribei Wani Páhina lidan Internet.

“Lidan sun ubóu.” Besafu gürigia ha lídanbaña sun ubóu yusutiña Internet. Lídantima Internet háluaha gürigia ariñahani, nibureintiñatima. Ruti wani Páhina lánina Internet óunabagülei inarüniti lun burí álügüdahani tídangiñeti Bíbülia le hadügübei gürigia. Líderagubaña lun hasubudirunu lóundarun Heowá luma lun ménrengun lan houn hamuriahan aturiahani tídangiñeti Bíbülia mafayeihanga. Lídehaba katei le lun lachülürün uganu buiti houn gürigia ha awinwandubaña lidan burí fulasu le ídanbei hénrengu lan haganbuni uganu buiti.

“Lidan sun fulasu.” Lun gayara lan wasubudiragüdüni inarüni le tídanbei Bíbülia houn gürigia “lidan sun fulasu”, mosu lídanbei lan saragu iñeñein. Ligíati, anihein lubéi ariñahani houn sun gürigia lidan wani Páhina lánina Internet lidan 400 iñeñein, úati amu páhina ítarati lidan Internet.

Sagá humá buiti lídangiñe. Mámarügüñein lun lasubudiragüdüniwa uganu buiti houn sun gürigia ladügǘwa iseri páhina jw.org. Saminawati giñe hawagun gefentiña luagu Heowá dan le ladügǘnbei. Anhein gayara lubéi hebelurun lidoun Internet, amisuraha wamutün lun hakutihani kada aban lídangiñe fánreinti le lídanbei páhina jw.org. Ariha wamá fiú manera ida luba lan wayusuruni.

[Iyawaü to lídanboun páhina 3]

(Lun harihinu lidan formatu le ídanbei tasalira furumiñe, ariha humóun agumeiraguagüdüni)

Houcha huméi

1 Abürüha humá www.jw.org/cab lidan fulasu le ñein lubéi labürüdǘwa liri páhina lánina Internet le háluahabei.

2 Akutiha huméi páhina jw.org lau hadügün klikü lidan ámuñegueinarügü fánreinti le lídanbei, lísüta lánina tema luma burí dimurei le anügübaliwa lidoun lanwoun ariñahani. (Fiú lídangiñe fánreinti burí le, úagili lidan garifuna. Lun harihini sun seksióun belú humá lidoun páhina www.jw.org/es.)

3 Yusu humóun hikonputadoran to gayaraboun hanügünu húmagua o higagamurun lun hebelurun lidoun páhina jw.org. Lasansiruba ligaburi larihíniwa páhina jw.org según lueirin gágamuru o konputadora to hayusuruboun, gama lumoun ligiamémeba ariñahani lidan.