Yusu waméi páhina jw.org lidan wani ministeriu: Álügüdahani tuáguti Bíbülia

Anihein aban fánreinti gíriti “Preguntas sobre la Biblia” lidan seksióun “Enseñanzas bíblicas” lidan jw.org/es. Wéiribei lahuudun woun lidan wani ministeriu wasubudiruni ka lan burí tema akutihóubei ñein, lugundun anhein adügǘwa aban álügüdahani woun le akutihóuati lidan fánreinti ligía, gayaraabei warufuduni óunabagülei lun gürigia lidan wani páhina lidan Internet. Gayaraati giñe wayusuruni álügüdahani burí le lun wagumeserun adimureha hama gürigia. Kei hénpulu, gayaraati wanúadirun aban álügüdahani le súdiniti houn gürigia ha awinwandubaña lidan fulasu le ñein lubéi wapurichiha, wálügüdüniña ka lan hasaminarubei, ábameti wayusuruni ariñahani le lídanbei jw.org lun wafuranguagüdüni houn ka lan tariñagubei Bíbülia. Lárigiñe, ábame wariñaguni houn lidan lan jw.org wadarirei ariñahani ligía, ábameti warufuduni houn lidan Internet halía lan. Gayaraati giñe waliiragüdüni óunabagülei houn lídangiñe guánarügü páhina. Buíduhali lidin tun lani aban óunigiruti sirkuitu weiriou lau tariñagun ítara: “Gíbetiña gürigia álügüdagutiña houngua anhein Bungiu lubéi gadurunbei luagu asufuriruni. Hínsiñeti hamuga hun hasubudiruni óunabagülei? Manügünbadina lóugiñe aban minutu arufudei hun”. Ábati taganbahagüdüni arütíkulu le rarigüda táalibei lidoun tigagamurun lídangiñe jw.org lun gürigia, lagumuhóun, aba tarufuduni kapítulu 11 le tídanbei líburu Kátima san lun.