Le gayarabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan widü-hati

“Furíetiña hibe-agei gürigia lun Bungiu somu dan lidan habagari. Íbini gürigia ha mafiñebaña luagu furíeitiña lun dan le lídanñanu lan lénrengunga. Afiñetün san aganbalani Bungiu sun furíei?” Lárigiñeme lóunabun gürigia ligía, arufuda huméi arütíkulu le lídanbei lagumuhóun páhina tidan Garüdia Atalaya to lánina 1 lidan widü-hati lun ani akutiha huméi ariñahani le óunabubalin furumiñeti álügüdahani ani aliiha humá íbini aban lídangiñe bérusu le ñeinbei lun. Ru humóun garüdia lun ani ariñaga humá lun hagiribuduba lan lun hakutihani le aban álügüdahani.

Abürüdǘni: Mosu larufudún ida luba lan lapurichihóun tau garüdia to lidan adamuridaguni le adügǘbei lubá apurichihani weyu 3 lidan widü-hati.

Garüdia Atalaya 1 lidan widü-hati

“Gíbetiña gürigia nidiheritiña ladüga kamanihali lan tariawagún iyawaü lánina agamariduni lidan sun fulasu ubouagu ani saminatiña ítarahali lan kei aban íñanaü. Gama lumoun, añahein ariha hamuti échuni le kei aban isebáhari maribanti. Ida luba wasubudiruni ka lan ariñagubalin inarüni? [Ígira humá lun lóunabun gürigia.] Ariñagati Hesusu lun lan wasubudiruni anhein buidu lubéi o wuriba lubéi somu katei, mosu lan warihini ka lan resultóu lanügübei [aliiha huméi Matéu 7:17]. Arufuda tumuti garüdia to ka lan tánibei iyawaü lánina agamariduni efekütü hawagu gürigia. Arufuda tumuti giñe ka lan lunbei hadügüni gürigia ha busenbaña hígiruni échuni le.”

¡Despertad! Widü-hati

“Hínsiñeti hamuga houn hibe-agei gürigia lun migife lan habagari. Lachülürüba funa san dan lun ladügün siensia lun wawinwandun lun súnwandan? [Ígira humá lun lóunabun gürigia.] Samina humá luagun lubuidun füramasei le [aliiha huméi 1 Korintuna 15:26]. Ida luba funa san ladügüni Bungiu katei le? Layusurubei funa san siensia, o layusuruba amu katei? Ámuya katei: ka uagu waweiyada hilagua wagía? Hadarirubei óunabagülei le tíchugubei Bíbülia lun burí álügüdahani le tidan garüdia to.”