Fánreinti Lánina Álügüdahani

◼ Lunti san tadouragun aban íbiri lau tichügü dan le tíchugun aturiahani tídangiñeti Bíbülia úara luma aban apurichihati bénabu?

Anhein tabaasihaña lubéi aban íbiri íchiga aturiahani tun aban gürigia ani ábanharu aturiahatu Bíbülia gürigia tuguya, lunti tadouragun lau tichügü anhein anihein lubéi aban íbiri ñein (1 Ko. 11:3-10). Tidan líburu “Redei humá lidan línsiñehabu Bungiu” páhina 210, párafu 1 ariñawagúati: “Mosu giñe tadourun lau tichügü anhoun ñüdün íchiga aturiahani tídangiñe Bíbülia úara luma aban wügüri le badiseihali lugundun gunfuranda tumuti tadügüña lan aban wadagimanu le lunti yebe ladügüni aban wügüri”. Lunti lafalarúniwa ligiaméme adundehani meberesenga anhein múnada lubéi haturiaha, bénabu o lidan furumiñeguarügü fulasu.

Ánheinti madügüngiña lubéi aransehani lun haturiahan sagü dimaasu? Anhein ítara liña lubéi, mama mosu tadouragun íbiri lau tichügü, íbini anhein lun lubéi tarufuduni ida liña lan taturiahóun Bíbülia tagiribuda abisidaha aban gürigia o lun lan takutihan somu fánreinti tídangiñe aban agumeiraguagüdüni to ayusurúboun lun lichugúniwa külase tídangiñe Bíbülia. Keiti libe-agei lan dan murusun murusun lagumeserúa aturiahani hama gürigia bénabu, lárigiñe habisidahóun saragu wéiyaasu, mosu hóuserun íbirigu lau lichú aau, ariha hameime ida liña lan léibugun katei danme le desidírü hamá dánhali lan lun tadouragun aban íbiri lau tichügü.