Buidutimalá wadügüni katei: yusu wamóun garüdia Uganu buiti lúmagiñeti Bungiu lun wagumeserun aturiahoun Bíbülia hama gürigia bénabu
Ka uagu súdini lubéi? Mosu garufudahadi wamá lun wíderaguniña gürigia lun lani hamá Hesusu disipulugu (Mat. 28:19, 20). Gayaraabei garufudahadi lan kada aban wádangiñe anhein wayusura sun ídemuei le ichugúbei woun buidu. Lun lira tadügǘwa garüdia Uganu buiti lúmagiñeti Bungiu. Gayaraati wayusurunu lun wagumeserun aturiahoun Bíbülia luma somu gürigia le úmati wayanuha luagu furumiñeti wéiyaasu ñeinmeme tubenari luban.
Houcha humá hadügüni le lidan sun hati:
Furíei humá lun Heowá ani amuriaha humá luma lun líderagunün ayumaha hagumeserun aban aturiahani tídangiñeti Bíbülia, lun hagumeseruni luma lun garufudahadi humá lun inarüni (Fili. 2:13).
Lídanme Guñoun lánina Háhuduragun Iduheñu lun Bungiu Úara, o danme haturiahan hábuguarügü, asayaha huméi le hasaminarubei hariñagun. Anhein hadüga ítara, lauba ichouruni hayanuha ani ménrengunbei hun hagumeserun aban aturiahani tídangiñeti Bíbülia luma somu gürigia tubenari luban.