Ida luba wafuranguagüdüni le wafiñerubei libügürü irumu 1914?
Ínchaha tumutiwa Bíbülia lun aranseñu wamá lun wayanuhan houn amu luagu wafiñen lau “ínsiñeni luma inebesei” (1 Fe. 3:15, 16). Gama lumoun, anihein arufudahani huliliti tídangiñeti Bíbülia le hénrenguti lafuranguagüdüniwa, kéiburi le luáguti gumese lan Larúeihan Bungiu arúeiha lidan irumu 1914. Lun wíderawagun lidan katei le, adügǘwaali biama arütíkulu gabügürüguati gíriti: “Conversaciones con un testigo de Jehová: ¿Cuándo comenzó a gobernar el Reino de Dios?”. Dariwati arütíkulu le tidan Garüdia Atalaya to lunboun wapurichihan tau lidan diisi-hati luma unsu-hati. Danme le haliihani, samina humá luagu burí álügüdahani le asigirubei libügürü ligaburi lahandilihani Huliu katei.
Ida liña...
... láluahan aban tema le ídanti úara hamá hagía biángubei lun lariñaguni lun gürigia buidu lan lisaminan? (Adü. 17:22.)
... lafuranguagüdüni lafiñen lau ǘnabuguni? (Adü. 14:15.)
Ka uagu buidu lubéi...
... láguyuguagüdüni le akutiha hamaalibei lubaragiñe lásügürün lidoun amu puntu?
... ladügün álügüdahani lun Ernestu sagü murusun oura lun lasubudiruni anhein gunfurandeina liñalin lubéi le akutihóubei?
... makutihan lan saragu ariñahani lídanrügü aban bisida? (Huan 16:12.)
Wéiriti weteingiruni Heowá, Wamaisturun le Wéirigutimabei, luagu líderaguniwa afuranguagüda inarüni huliliti tídangiñeti Bíbülia houn gürigia ha busenbaña hafurendeiruni (Isa. 30:20).