Ida luba wíchugun óunabagülei le buiti

Aban óunabagülei le buiti ruti erei houn lílana damuriguaü (Rom 14:19). Ruti giñe erei lun le íchugubalin (Ari 15:23, 28). Ligíati, áfaagua wamá lun wóunabun íbini aban wéiyaasu lidan kada adamuridaguni. Furanguti mámaba lan súnwandan lichugún chansi woun lun wóunabun, ligía buidu lubéi lun waranserun saragu óunabagülei.

Ida liña san aban óunabagülei le buiti?

• Sensiyuti, furanguti ani mamigifenti. Libe-agei dan gayarati wíchuguni lidan darandi segundu o ǘnabu luéi.

• Buítimati wariñaguni según le gunfuranda wabéi.

• Mama lun wáguyuguagüdüni le ariñaga hamaalibei amu.

Kaba wadüga anhein wagía lubéi óunabubei aban álügüdahani furumiñe?

• Ru wamá aban óunabagülei le mamigifenti ani írida waméi le súdinitimabei.

Kaba wadüga anhein ounabúali lubéi álügüdahani?

• Arufuda waméi ida liña lan lídehan somu lídangiñe bérusu burí le ñeinbei.

• Írida huméi ida liña lan lídehan lidan wabagari.

• Afuranguagüda huméi ida luba lan wawinwanduni le wafurendeirubei.

• Írida humá somu liraüraü sügǘ le úarati luma puntu le akutihóubei.