Afuranguagüda tumuti Bíbülia ida tiña lan aban würi to buitu

Lidan Ariñawagúni kapítulu 31 anihein aban uganu súdiniti le leresibirubei urúei Lemueli túmagiñe lúguchu. Íderagua lumuti adundehani ligía lun lasubudiruni ka lan lunbei láluahani tuagu aban würi to buitu.

Gafiñerúaditi tuagu aban würi to buitu

31:10-12

• Dan le desidírü hamá somu katei súdiniti houn iduheñu, ariñaga tumuti ka lan tisaminanbei lau inebesei ani máluguntu lun ladügǘniwa le tariñagubei.

• Afiñeti tani weiriei luagu buídubei lan le lunbei desidírü tani ani masaminarunti mosu lan tamuriahan üma luma luagu sun le lunbei tadügüni.

Aban würi to buitu benefatu

31:13-27

• Góunigi tumuti seinsu ani sensiyuti tanügüni tibagari lun harumañu lan harihín tiduheñu buidu ligíame hasansiragun, ani hou hagíame buidu.

• Nadagimeintu saragu ani góunigi tumutiña tiduheñu wéyuagu áriebu.

Aban würi to buitu buiti tumadagua luma Bungiu

31:30

• Seriwitu lun Bungiu ani áfaaguatu lun takipuruni lubuidun tumadagua luma.