“Subudiwati túmari buidu buidu uburugu”

Aban würi to buitu ídehatu lun buidu lan layanuhóun luagu tani weiriei. Lidan meha lidaani urúei Lemueli, dan le meha buidu tan lani aban wügüri weiriou, ‘subudiwati meha buidu buidu uburugu’ (Ari 31:23). Uguñe weyu, inebewatiña wéiyaaña lidan afiñeni hama ídehatiña lidan damuriguaü. Ani anhein maríei habéi, mosu buídubei lan tigaburi hani weiriou ani íderagua táñame lun gayarabei lan heseriwidun lidan damuriguaü (1 Tim 3:4, 11). Hínsiñetiña würiña maríeitiña ha dandu houn hánigu weiriei kei houn amu lílana damuriguaü.

Ida liña tídehan aban würi to buitu lun gayara lan leseriwidun tani weiriei lidan damuriguaü?

• Rutu gurasu lun lau tererun (Ari 31:26).

• Gunfuranda tumuti mosu lan letenirun lun saragu wadagimanu lidan damuriguaü (1 Tesa 2:7, 8).

• Sensiyuti tanügüni tibagari (1 Tim 6:8).

• Málügüdahantu luagu katei le moun lumuti lasubudirúniwa (1 Tim 2:11, 12; 1 Fe 4:15).