Adügati larufudahan Bungiu lun wagidaruni iyereehabúni houn amu tídangiñe wanigi

Úati himei lan Heowá aban gürigia luéi aban (Adü 10:34, 35). Resibi lumutiña gürigia ha “lídangiñetiña sun fulasu, sun rasa, sun iñeñein luma néchani” (Aruf 7:9). Ligía moun lumuti lubéi ñein lan iyereehabúni haganagua lílana damuriguaü ni lun buidu lan lanügǘn aban gürigia hawéi híbiri (Sant 2:1-4). Óundaraguagüda láadiwa Heowá lidan aransehani le ladügübei lun wáhuduragun lun lidan úarani luma darangilaü hadan gürigia ha buídugüda hamaali hagaburi (Isa 11:6-9). Wáyeihañein Bungiu dan le wasagaruni sun iyereehabúni le wasandirubei hawagu amu tídangiñe wanigi (Efe 5:1, 2).

ARIHA HUMÉI BIDÉU JOHNY Y GIDEON: ANTES ENEMIGOS, AHORA HERMANOS. ÁBAMETI HÓUNABUNI ÁLÜGÜDAHANI BURÍ LE:

• Ka uagu gabafutima lubéi larufudahan Bungiu lun lagidaruni iyereehabúni tídangiñe hanigi gürigia sügǘ lau furumiñeguarügü áfaaguni le hadügün gürigia lun hagidaruni turobuli le?

• Kátima aweiridagüdübarun hanigi lídangiñe úarani le wádanbei keisi íbirigu lidan sun ubóu?

• Ka uagu wariñaga ru lan úarani le wádanbei uériguni lun Heowá?