Buidutimalá wadügüni katei: Giribu wamá bisidaña gürigia

KA UAGU SÚDINI LUBÉI? Saragu hádangiñe gürigia ha arufudubaña busén hamá hasigirun afurendeira luagu uganu luáguti Larúeihan Bungiu háluahañein inarüni (Isa 55:6). Lun gabügürügua lan warufudahan houn, mosu wagiribudun bisidaña sagü dan. Ámuñegueinarügüti turobuli le úmabei hagagibudagua gürigia, mosu giñe ámuñegueinarügü lan ligaburi warufudahan houn. Lau sun lira, buídutimabei lidin woun ánhawa aransera buidu subudi wameime buidu ka lan wabusenrubei lafurendeirun gürigia lídangiñe kada bisida, gayara láamuga wagumeserun aban aturiahani tídangiñeti Bíbülia luma.

LE LUNBEI WADÜGÜNI:

• Áfaagua humá lun hagiribudun lau lóufudagun, háfuga fiu weyu lárigiñe (Mat 13:19).

• Buidu lan higaburi, inebehabu hugíame. Áfaagua humá lun darangilu humá.

• Busugua humá lun gürigia lau ínsiñehabuni. Yusu huméi liri. Ariñaga huméi lun ka lan uagu hagiribuda bisidei: lun hóunabun aban álügüdahani, hanügünu garüdia to iseritimaboun lun, hayanuhan luagu wani páhina lidan Internet, harufudun aban bidéu o lun harufuduni lun ida liña lan híchugun külase tídangiñeti Bíbülia. Anhein busén lubéi gürigia layanuhan luagu amu katei, sansi huméi le yebe hasaminarubei hariñaguni lun (Fili 2:4).

• Sigí humá áturaguei ilaü lánina inarüni le hábunubei tidan lanigi gürigia lau haliihan aban bérusu tídangiñe Bíbülia lun o lau hígirun aban agumeiraguagüdüni lun (1Ko 3:6). Áfaagua humá lun hadügün aban buiti umadaguaü luma gürigia.

• Ariñaga humá somu katei lun gürigia aranse humaamugei üma lubaaya hagiribudun.