Buidutimalá wadügüni katei: Adüga humá álügüdahani le buíduburiti

KA UAGU SÚDINI LUBÉI? Anhein “ítara liña [lubéi] saminaü aramudaguati kei duna huliliti”, ítara liña álügüdahani kei búngidu le aubei lasagarúa (Ari 20:5). Ídehati álügüdahani le saminawabei buidu lun hariñaguni gürigia ha aganbubaliwa woun ka lan hasaminarubei. Gayaraati lahuudun óunabagülei le híchugubei woun lun wasubudiruni kaba lan wariñaga houn. Adügati meha Hesusu álügüdahani buíduburiti. Ida luba wáyeihani?

LE LUNBEI LADÜGǗNIWA:

• Adüga humá álügüdahani le ídehati lun lariñaguni gürigia le lasaminarubei. Adügati meha Hesusu álügüdahani houn lani disipulugu lun lasubudiruni ka lan hasaminarubei (Mt 16:13-16; be-S páh. 238 pár. 3-5). Ka burí álügüdahani gayaraabei hadügüni lun hasubudiruni ka lan lasaminarubei gürigia?

• Adüga humá álügüdahani le ídehati lun ladariruni gürigia óunabagülei le buídubei. Adügati meha Hesusu álügüdahani lun Féduru lun líderaguni asansirei ligaburi lisaminan luma adarirei óunabagülei le buídubei ani ruti chansi lun lun lanúadirun aban lídangiñe bián óunabagülei (Mt 17:24-26). Ka burí álügüdahani gayaraabei hadügüni lun gürigia lun híderaguni adarirei óunabagülei le buídubei?

• Ariñaga humá lun gürigia buidu lan ladügüni. Ruti meha Hesusu dǘgüdaguaü lun aban hádangiñe arufudahatiña lilurudun Moisesi le óunabubei “lau lichú aau” (Mr 12:34). Ka gayaraabei hariñaguni lun gürigia lárigiñe lóunabun aban álügüdahani?

ARIHA HUMÉI FURUMIÑETI FÁNREINTI LÁNINA BIDÉU SIGÍ WAMÉI WADAGIMANU LE LAGUMESERUBEI KRISTU: ARUFUDAHANI, ÁBAMETI HÓUNABUNI ÁLÜGÜDAHANI BURÍ LE:

• Ka uagu mabuidun lubéi ligaburi larufudahan íbiri le, lau sun yebe buidu lan ariñahani le líchugubei?

• Ka uagu ua lubéi buídurügü lan wafuranguagüdüni ariñahani lun gürigia?

ARIHA HUMÉI LIBIAMAN FÁNREINTI LÁNINA BIDÉU, ÁBAMETI HÓUNABUNI ÁLÜGÜDAHANI BURÍ LE:

• Ka uagu gayara lubéi wariñagun adüga lan íbiri le álügüdahani buíduburiti?

• Ka burí amu katei lídangiñe ligaburi larufudahan gayaraabei wáyeihani?