WABAGARI KEISI KRISTIÁNUGU
Yusu wamóun agumeiraguagüdüni tótima wayusuruboun lun warufudahan buidu
Ítara liña hadügǘn disipulugu kei tábunawagun aban muna. Lun wadügüni buidu, mosu wafurendeirun ayusuroun agumeiraguagüdüni tótima wayusuruboun lun warufudahan buidu. Kei Lererun lan Bungiu súdinitimaboun tídangiñe sun agumeiraguagüdüni to wámaboun, mosu wafurendeirun ayusuroun kei lubudubu (2 Ti 2:15). Mosu giñe wafurendeirun ayusuroun agumeiraguagüdüni luma burí bidéu le tídanbei agumeiraguaguduni tótima wayusuruboun lun wadügün disipulugu.a
Ka gayaraabei wadügüni lun buídutima lan wayusurunu agumeiraguagüdüni tótima wayusuruboun lun warufudahan? 1) Wamuriahan ídemuei luma íbiri le arihibei lau sétanu le ídanbei wáfurida apurichiha, 2) wapurichihan hama íbirigu o prekursorugu ha barühaña saragu dan ayusuroun, 3) wasayahan, wasayahan, wasayahan. Éibume wafurendeirun ayusuroun agumeiraguagüdüni luma burí bidéu buidu, hínsiñetimabei apurichihani woun le ítarabei kei tábunawagun muna.
GARÜDIA AWISAHATU tuma ¡DESPERTAD!
GARÜDIA
LÍBURU
TRATADU
BIDÉU
AGUNBIRAHAGÜLEI
TARÜHÉTA
a Anuhein agumeiraguagüdüni úatu taganagua agumeiraguagüdüni tótima wayusuruboun lun warufudahan, lugundun hawagutima ítaga gürigia lasaminarúa dan le tadügǘnbei. Gayaraabei tayusurún danme le mégeiwa lan.