Buidutimalá wadügüni katei: Íderagua humaña ha arufudubaña busén hamá hafurendeirun lun disipulugu hamá

KA UAGU SÚDINI LUBÉI? Heowá adügübei lun láhüchün inarüni tidan hanigi gürigia ha lúntiñabaña ibagari le magumuchaditi (Adü 13:48; 1 Ko 3:7). Ídehatiwa luma Heowá dan le wetenirun íderaguaña gürigia afalarei le hafurendeirubei (1 Ko 9:26). Mosu gunfuranda hamani aturiahatiña Bíbülia, lunti lan habadiseirun lun gayara lan hesefurun (1 Fe 3:21). Lun disipulugu hamá gürigia ha aturiahabarun Bíbülia wama, mosu wíderaguniña adüga asansiruni lidan habagari, apurichiha, arufudaha houn amu, derege hameime habagari lun Heowá (Mt 28:19, 20).

LE LUNBEI LADÜGǗNIWA:

• Haritaguagüda huméi houn gürigia haturiahañoun lan Bíbülia hama lun híderaguniña asubudirei Heowá, gúndagüda hameime (Hn 17:3).

• Lun gayara lan hawanserun lidan hamadagua luma Heowá, íderagua humaña ígirei échuni le mabuidunbei hama hagübüri umadagu.

• Adüga humá lun here hamá ani ru humá gurasu houn lubaragiñe luma lárigiñe habadiseirun (Adü 14:22).

ARIHA HUMÉI BIDÉU LÍDERAGUBADIBU HEOWÁ, ÁBAMETI HÓUNABUNI ÁLÜGÜDAHANI BURÍ LE:

• Ka gayaraabei ladügün lun mederegeragun lan aban gürigia lungua lun Heowá badisei ligía?

• Ida liña gayara lan híderaguniña wéiyaaña lidan afiñeni aturiahatiña Bíbülia awansera lidan hamadagua luma Bungiu?

• Ka wafurendeirubei luagu Heowá lidan Isaíasi 41:10?

• Ka burí igaburi ídehabei lun wasigirun eseriwida lun Heowá kei aubei lagundaara íbini gafigoun wamá?