Ariha wamuti san lubuidun burí ligaburi Bungiu lau waríaguni katei burí le adüga láalibei?

Saminatiwa san luagu Bungiu le adügübaliwa dan le warihin aban lubuidun fuluri, sielu hau saragu waruguma o aban lanarime lábürühan duna? Ídehati sun le adügǘwaalibei lun furangu lan larihíniwa igaburi burí marihúaditi le luágubei Heowá (Rom 1:20). Dan le wararamagun asaminara luagu le warihubei, gayaraati wasubudiruni ligaburi Bungiu, kéiburi: lubafu, línsiñehabu, lichú lau, liricha luma líchigadi (Sal 104:24).

Ka katei lídangiñe le adüga láalibei Heowá harihubei sagü weyu? Íbini anhein lidan lubéi aban uburugu hawinwanda gayaraati harihin tídibu burí wewe hama dunuru. Gayaraati líderaguniwa wararamagun asaminara luagu le adügǘwaalibei lun manarime lan wadiheri, lun warihini waturobulin keisi lubudubu luma lun wéredagüdüni wafiñen luagu lóunigirubadiwa lan Heowá lun súnwandan (Mt 6:25-32). Anhein gasaanigu hubéi, íderagua humaña arihei igaburi burí móubati le luágubei Heowá. Éibutima wasandirun eteingiruni luagu sun le adüga láalibei Heowá, yarafatimabei wasandiragun woungua lun (Sal 8:3, 4).

ARIHA HUMÉI BIDÉU ARIHÚATI LUÉIRIGUN BUNGIU LIDAN LUBUIDUN BURÍ KATEI LE ADÜGA LÁALIBEI: LEITI LUMA KOLORU, LÁRIGIÑE, ÁBAME HÓUNABUNI ÁLÜGÜDAHANI BURÍ LE:

• Ka adügübei lun gayara lan warihini koloru?

• Ka adügübei lun lámirihan koloru?

• Ka uagu wariha ámuñegueinarügü koloru sielu?

• Ka burí koloru buíduburiti ariha humaalibei yarafa tun huban?

• Ka uagu lunti lubéi wararamagun aríaguei sun le adüga láalibei Bungiu?