Áfaagua humá lun heresibirun arufudahani lúmagiñeti Bungiu

KA UAGU SÚDINI LUBÉI? Ru lumuti Heowá, le Garufudahaditimabei, arufudahani le buídutimabei woun. Arufudahati woun ka lan lunbei wadügüni lun buídutima lan wabagari, aranse lumutiwa lubá wibihini lubuidun burí katei le füramase láalibei woun lubá ámuñegü, ani maguburahan lumutiwa (Isa 11:6-9; 30:20, 21; Aruf 22:17). Yusu lumuti Heowá adundehani le lúmagiñeti lun larufuduni woun ida luba lan wapurichihani uganu houn amu sefu hamaamuga (2 Ko 3:5).

LE LUNBEI LADÜGǗNIWA:

• Áfaagua humá lun ǘnabugu humá (Sal 25:8, 9).

• Anha humá lun arufudahani le hibihubei, kéiburi dasi le ichugúbei hun lidan adamuridaguni le lamidanguabei dimaasu.

• Áfaagua humá lun haganwoundagüdüni Heseriwidun (Fili 3:13).

• Adüga huméi sun hiyaraati lúntima larufudahóun hun íbini hénrengu lan hun (Fili 3:8).

ARIHA HUMÉI BIDÉU ADÜGATI ARUFUDAHANI LE LÍCHUGUBEI HEOWÁ LUN BUÍDUTIMA LAN WAMADAGUA LUMA, LÁRIGIÑE, ÁBAME HÓUNABUNI ÁLÜGÜDAHANI BURÍ LE:

• Ka burí lénrengunga úmabei hagagibudagua fiu íbirigu lun gayara lan houdin tidan Leskuela houn Apurichihatiña Larúeihan Bungiu?

• Ka arufudahóubei tidan Leskuela houn Apurichihatiña Larúeihan Bungiu?

• Ida liña híderawagun íbirigu ha eresibihabaña tídangiñe leskuela to lun héchudun luagu iseri damuriguaü le ídounbei hóunahoua?

• Ka katei mégeiwabei lun gayara lan houdin íbirigu tidan Leskuela houn Apurichihatiña Larúeihan Bungiu? (kr-S páh. 189).

• Ka burí amu arufudahani lúmagiñeti Bungiu uágubei gayara lan háfaagun lun heresibiruni?