Buidutimalá waturiahan wábuguarügü

KA UAGU SÚDINI LUBÉI? Íderagua lumutiwa waturiahanu Lererun Bungiu wábuguarügü lun gunfuranda wamani “lítulen, limigifen, lilulin luma liñun” inarüni (Efe 3:18). Íderagua lumutiwa giñe lun madarirúniwa lan duru ni mégeiti wawagu haganagua gürigia wuribatiña ani salufuritiña ha lídanbaña ubóu le luma lun ragüñu wamá “luagu uganu lánina ibagari” (Fili 2:15, 16). Ídehati waturiahanu Lererun Bungiu wábuguarügü lun wanúadiruni ariñahani le wemegeirubei waturiahan. Ka gayaraabei wadügüni lun buídutima lan wayusuruni dan le wadireirubei lun waliihanu luma waturiahanu Bíbülia?

LE LUNBEI LADÜGǗNIWA:

• Wamakürün fiu bérusu luma wabürühan tidan Bíbülia to wayusuruboun lun waturiahan, tidan lan yebe gárada o lidan gágamuru o konputadora.

• Wóunabuni álügüdahani burí le wachügüwagu sun awanha lan aliihoun Lererun Bungiu: “ka gürigia?”, “ka katei?”, “halía?”, “ídabuga?”, “ida?” luma “ka uagu?”.

• Wáluahan lanwoun ariñahani. Yusu waméi ídemuei burí le wámabei lun wáluahan ariñahani lun wakutihan luagu somu iri o bérusu.

• Wararamagun asaminara luagu le waliihabei ariha wamaamugei ida liña lan líderaguniwa.

• Wadügüni le wafurendeirubei lidan wabagari (Lk 6:47, 48).

ARIHA HUMÉI BIDÉU ÍDERAGUA LUMUTIWA WATURIAHAN WÁBUGUARÜGÜ LÚNTIMA WÁRÜGÜDÜN TUAGU LERERUN BUNGIU, LÁRIGIÑE, ÁBAME HÓUNABUNI ÁLÜGÜDAHANI BURÍ LE:

• Ka hasaminarubei fiu luagu laturiahan gürigia lábuguarügü?

• Ka uagu lunti lubéi wafurieidun lubaragiñe waturiahan?

• Ka gayaraabei líderaguniwa lun buídutima lan gunfuranda wamá somu abahüdaguni tídangiñeti Bíbülia?

• Ka luwuyeri makü gayaraabei wadügüni tidan Bíbülia to wayusuruboun lun waturiahan?

• Ka uagu súdini lubéi wararamagun asaminara dan le waturiahanu Lererun Bungiu?

• Ka lunbei wadügüni lau le wafurendeirubei?