Sügǘ wamá dan hama ha hínsiñehabubaña lun Heowá

Ka uagu lunti lubéi wásügürün dan hama ha hínsiñehabubaña lun Heowá? Ladüga gabafu hamá gürigia ha úmabaña wásügüra dan wawagu, lun lan yebe buiti o lun lan wuribati (Ari 13:20). Kei hénpulu, “buiti bugaha lóuserun [urúei] Hoasi ligibugiñe” Heowá dan meha le lásügürünbei dan luma fádiri íñutimati Hoyadá (2 Kr 24:2). Dan le lóunwenbei Hoyadá, adügatiña hagübüri umadagu lun ladisedun Hoasi luéi Heowá (2 Kr 24:17-19).

Lidan furumiñeti sígulu, góubaguagüda lumuti apostolu Pábulu damuriguaü kristiánu tuma “aban muna wéiritu” ani ha lílana damuriguaü kei “weru” o umegeguni le ayusurúbei múnada. Ítara waña kei aban “weru lánina uéiriguni” dan le mamadagua wamá hama gürigia ha adügübaña katei le mínsiñeti lun Heowá, íbini gefén hamá luagu Heowá o waduheñu hamá (2 Ti 2:20, 21). Ligíati, sigí wamá áluaha umadaguaü hama ha hínsiñehabubaña lun Heowá, ha ínchahabaliwa áhuduragua lun.

LÁRIGIÑE HARIHINI BIDÉU KA GAYARAABEI WADÜGÜNI LUN WADISEDUN HAWÉI HAGÜBÜRI UMADAGU?, ÓUNABA HUMÉI ÁLÜGÜDAHANI BURÍ LE:

• Ida liña gayara lan wásügürün dan hama hagübüri umadagu míchugunga fe?

• Ka íderagubaliña ǘrüwa íbirigu ha arihúbaña lidan bidéu adiseda hawéi hagübüri umadagu?

• Ka adundehani tídangiñeti Bíbülia gayaraabei líderaguniwa anúadaha umadagu buítiña?