Alawaha waméi Heowá lau weseriwidun kei prekursorugu

Gadünati meha Heowá lun halawahani ísüraelina lugundun sefu laaña meha Ehiptugiñe luma hawéi lisudaranigu lurúeite Ehiptu (Afu 15:1, 2). Anihagua Heowá adüga katei buiti hawagu lubúeingu. Ka gayaraabei wadügüni lun weteingiruni? (Sal 116:12).

Gayaraati weseriwidun kei prekursorugu ídehatiña o prekursorugu ha apurichihabaña ǘrüwa-wein-diisi oura luagu hati. Amuriaha waméi ayumahani ligía luma Heowá luma erei lun wagunfuliruni (Fili 2:13). Gíbetiña agumeserutiña lau heseriwidun keisi prekursorugu ídehatiña. Gayaraati hanúadirun hapurichihan 30 o 50 oura lidan hati le labisidahani óunigiruti sirkuitu damuriguaü luma lidan ǘrüwa-hati luma gádürü-hati. Másiñati lárigiñe lanme warihini ru lan weseriwidun kei prekursorugu ídehatiña ugundani woun, aba lanme weseriwidun kei prekursorugu ha apurichihabaña ǘrüwa-wein-diisi oura luagu hati. Añaheinhaña eseriwidutiña ítara lau sun aban lan wadagimanu le ídanti hawadigimarida widü oura luagu weyu hámabei o wuriba lan hátuadi (mwb16.07 páh. 8). Ma gadünati Heowá lun wadügün furumiñeguarügü áfaaguni lun walawahani? (1 Kr 16:25).

LÁRIGIÑE HARIHINI BIDÉU ǗRÜWA WÜRIÑA MONGOLIANA HA GAMULENUGUÁTIÑA, ÓUNABA HUMÉI ÁLÜGÜDAHANI BURÍ LE:

• 

  Ka lénrengunga úmabei hadunragua ǘrüwa würiña ha ani ida liña haransehani lun gayara lan heseriwidun kei prekursorugu?

• 

  Ka abiniruni resibi hamaalibei?

• 

  Kei meha prekursora habéi würiña ha, ka chansi habihibei lun haganwoundagüdüni heseriwidun lun Heowá?

• 

  Ka hadügübei amu lau harihini hénpulu le híchugubei íbirigu ha?