Buidutimalá wadügüni katei: Apurichiha wamá luéigiñe máhina le ichugúbei bóugudi tun muna lun layanuhóun luéigiñe

KA UAGU SÚDINI LUBÉI? Kei eibu lan dan híwerunougatima lan, aba burí híchaahan gürigia máhina bóugudi tun haban lun layanuhóun hama luéigiñe. Háfugati masandiragun wamá woungua buidu dan le wapurichihan houn gürigia ha ariha hamutiwa ani marihin wamutiña. Líderagubadiwa adundehani burí le lunbei wakutihani lun wayanuhan lau fararaguaü luéigiñe burí máhina le dan le wapurichihan.

LE LUNBEI LADÜGǗNIWA:

• Buidulá hisaminan. Saragu hádangiñe gürigia ha gánibalin máhina le hábiñe, aranseñu haña lun hayanuhan wama.

• Haritagua huméi anihein lan burí lídangiñe máhina le agumeseruti adiraaha luma gürawárü íbini lubaragiñe wadaünhan luagu bena ani gayara lan haganbahañadiwa lan gürigia ha múnadabaña ani ariha hamawa lúmagiñe wayarafadun.

• Dan le lóunabun gürigia, ayanuha humá lun kamá hamuga aríagu hiña lun. Hayá humá ani arufuda huméi higibu kéiñaha hadügüni. Ariñaga huméi le yebe hasaminarubei hariñagun lun gürigia lun hamuga dará lani bena. Anhein anihein lubéi máhina le adiraahabei ñein, maweirinlá hayarafadun lun. Anhein móunabun gürigia, mígira humá uganu habá.

• Mabulieida huméi anihagua lan gürigia aganbaün luma arihaün dan le gumuhali hayanuhan luma.