Rútiwa seremei lun Heowá luagu ínsiñeni le harufudubei

Arufudatiña meha íbirigu ha lídanbaña damuriguaü le Tesalónikanabei ínsiñeni houn amu íbirigu íbini hawinwanduña lan laganagua lénrengunga le hawandubei (2 Te 1:3, 4). Uguñe weyu harufuduña lumutuniña Heowá aban ínsiñeni libe lira houn sun íbirigu ha lídanbaña sun ubóu. Lidan fánreinti burí le lídanbei jw.org “Ida liña wayusuruni budagia” arufudati woun ida liña lan líderaguniña íbirigu lidan dan hénrenguti, budagia le híchugubei. Gúndaatiwa lau ínsiñeni le harufudubei luma gíchigadi humá.

LÁRIGIÑE HARIHINI BIDÉU SÚNWANDAN WÍCHUGUN “SEREMEI LUN BUNGIU HUAGU”, ÓUNABA HUMÉI ÁLÜGÜDAHANI BURÍ LE:

• Ka un layusurúa budagia le wíchugubei?

• Ka igaburi buídutimabei lun wíderaguniña wábirigu lau seinsu? (Aliiha huméi fánreinti “Ha gíbebaña úmati íderagua hamutiña ha lóuguabaña úmati” lidan jw.org).