Aban idewesei lun Heowá

Ida luba wabuinchagüdüni wáhabu uguñe weyu lau aban idewesei lun Heowá? (1 Kr 29:5, 9, 14). Wakutiha fiu ligaburi lichugún budagia lun lamainirún wadagimanu le wadügübei, wagía gefentiña luagu Heowá, dandu lidan fulasu le ñein wabéi kei lidan sun ubóu.

YÚSUATI SEINSU LE WÍCHUGUBEI TIDOUN BURÍ GAFU TO LUNTU BUDAGIA O LUÉIGIÑE INTERNET LUN:

• 

  LAMAINIRÚN WADAGIMANU LÁNINA APURICHIHANI LIDAN SUN UBÓU

  tábunawagun luma tayusurún sukursáli tuma burí áfisi to ñein lubéi lásügürawagüda lidoun amu iñeñein

  leskuela burí to tíchuguboun lóundarun Heowá

  íbirigu ha lídanbaña eseriwiduni espechaliti lidan dan dayarüti

  híderawagun ha asufurirubaña damichi

  ladügǘn bidéu, imprimírua tan agumeiraguagüdüni luma tichugún lidan Internet

• 

  LAFAYEIRÚN LE MÉGEIWABEI LIDAN DAMURIGUAÜ

  letenirún lun le mégeiwabei tidan Luban Adamuridaguni, kéiburi lafayeirún leiti o duna

  budagia le uágubei hariñaga lílana damuriguaü hóunahabei lan tidoun Beteli lun:

  • tábunawagun Luban Adamuridaguni tuma Muna to luntu Adamurini lidan sun ubóu

  • Programa lánina Laransehóun Damichi lárigiñe somu Danaguaü lidan sun Ubóu

  • amu burí katei le adügǘbei lidan sun ubóu

ADAMURINI ǗRÜWATI WEYU LUMA ADAMURINI LÁNINA SIRKUITU

Yúsuati budagia le óundarawagubei lidan burí adamurini ǘrüwati weyu lun lamainirún wadagimanu lánina apurichihani lidan sun ubóu. Lau seinsu le óundarawagubei lun wadagimanu lánina apurichihani lidan sun ubóu lafayeirúa sun le mégeiwabei lun ladügǘn adamurini ǘrüwati weyu, espechaliti luma le hounti lílana saragu ageiraü.

Yúsuati budagia le óundarawagubei lidan adamurini lánina sirkuitu lun lahayahóun luma laransehóun fulasu le ñein lubéi ladügǘwa adamurini luma lun lafayeihóun amu burí katei le lemegeirun sirkuitu. Anihein burí sirkuitu, lárigiñe hafayeiruni sun le mégeiwabei, aba hóunahani seinsu le ígiragubei lun layusurún lun wadagimanu lánina apurichihani le hadügübei gefentiña luagu Heowá lidan sun ubóu.