Ida luba wayusuruni fánreinti le gayaraabei wariñaguni lidan apurichihani

Ariñahani le lídanbei fánreinti le gayaraabei wariñaguni lidan apurichihani saminawati buidu lubá lichugúniwa, añahein saragu apurichihatiña ariha hamaali weiri lan lubuidun ariñahani le, lidan fulasu le ñein lubéi hapurichiha. Lau sun lira, ámuñegueinarügüti le gádanbalin kada fulasu. Ligíati, dan le hapurichiha, gayaraati hasansiruni le gayaraabei hariñaguni según igaburi le kamanibei lidan fulasu le ñein lubéi hapurichiha. Ánheinti dan le ladügǘniwa somu apurichihani espechaliti lunti wafalaruni adundehani le ichugúbei. Le wabusenrubei lun wafalaruni lugumadin Hesusu luagu wapurichihani uganu buiti luáguti Larúeihan Bungiu (Mt 24:14).

Danme le líchugun aban apurichihati aban fánreinti lidan damuriguaü le adügǘbei labadinagua dimaasu, lunti lafalaruni ariñahani le ariñawagúbei lidan fánreinti le gayaraabei wariñaguni lidan apurichihani le adarirubei tidan garüdia to. Ánheingubeirügü ariñawagúa amu katei, gayaraati lasansirawagún álügüdahani, bérusu luma álügüdahani lubá leweñegua bisida según igaburi le kamanibei lidan fulasu le ñein lubéi hapurichiha. Iserihali ariñahani luéi le áfuachubei lidan páhina 8 tidan garüdia Le lunbei ladügǘniwa lidan adamuridaguni to lánina sisi-hati, irumu 2020.