Awanda waméi turobuli le lanügübei maseinsuni lau afiñeni

Hénrenguti lawinwandúniwa lidan lagumuhóun dan le. Kei ayarafadeina waña lan lun lagumuchun ubóu le, aganwoundeina luba turobuli. Ani gayaraabei giñe hénrengubei lan woun lun wibihini le wemegeirubei luagu weyu (Abak 3:16-18). Kaba íderaguawa awandei turobuli le lanügübei maseinsuni lau afiñeni? Lóugiñe sun katei, lunti wafiñerun líderagubadiwa lan Wabungiute Heowá. Füramaseti lóunigirubaña lan lumadagu ani líchugubei lan giñe le wemegeirubei woun lidan furumiñeguarügü kesi (Sal 37:18, 19; Ebü 13:5, 6).

Ka gayaraabei hadügüni?

• Ayumuragua humá lun Heowá lun ladundehanün lun líchugun lichú aau hun luma lun líderagunün (Sal 62:8).

• Anha humá lun hadügün wadagimanu le madügünñaha humagili (g-S 1/10 páh. 8, 9, rekuáduru burí).

• Mígira huméi hadügüni katei létima súdinitimabei, kéiburi haliihanu Lererun Bungiu sagü weyu, hidin adamuridagua luma apurichiha.

LÁRIGIÑE HARIHINI BIDÉU DEREBUGUGÜDA WAMÉI HAFIÑEN WADUHEÑU. GUNDA WAMÁ LAU WÁMATI, ÓUNABA HUMÉI ÁLÜGÜDAHANI BURÍ LE:

• Ka burí lénrengunga úmabei hagagibudagua iduheñu ha?

• Kátima san katei súdinitimabei?

• Ida luba gayara lan wíderaguniña ha ásügürübaña lídangiñe turobuli lánina maseinsuni?