WABAGARI KEISI KRISTIÁNUGU
Aríagua humá hungua ítara kei larihinün Heowá
“Gúndaati Aburemei hau lumutuniña” (Sal 149:4). Madügünti wachara lun meteni lan lun lubuidun wagaburi luma lun iyaraani le wawagubei. Gama lumoun, anihein dan hénrenguti waríagun woungua ítara kei larihiniwa Heowá. Háfuga ladüga hóuseruniwa amu wuriba o ladüga charati le meha wadügübei luagu aban dan, adügati katei le lun wasandiragun woungua meseriwín wamá o madüna wamani línsiñehabu Heowá. Anhein ítara liña lubéi hasandiragun hungua, ka gayaraabei líderagunün?
Haritagua humá marihin lani Bungiu katei ítara kei harihini gürigia (1 Sa 16:7). Mini lan lira, dan le lan larihiniwa, arihati katei le siñá wabéi ariha. Seremei tun Bíbülia, gayaraati wasubudiruni ka lan un letenira Heowá. Anhaün akutiha fiu bérusu luma abahüdaguni le tídanbei Lererun Bungiu, chóuruti gayaraabei lan gunfuranda humani buidu lueirin hínsiñe lumutuniña Heowá lun.
LÁRIGIÑE HARIHINI BIDÉU CHÓURUGÜDA HUMÉI TUN HANIGI GEBEGI HUMÁ LIGIBUGIÑE HEOWÁ, ÓUNABA HUMÉI ÁLÜGÜDAHANI BURÍ LE:
Ka gayaraabei wafurendeiruni luagu ligaburi larihiniwa Heowá lídangiñe hénpulu luáguti úguchili luma lisaani le éibaagubei?
Anhein adügaali lubéi aban gürigia aban figóu wéiriti ani adüga laali le mégeiwabei lun larandarun luma Heowá, ka lunbei ladügüni lun lasandiragun lungua chóuruñu ligibugiñe Bungiu? (1 Hn 3:19, 20).
Ka buiti lasagarubei íbiri lídangiñe laliihani luma lararamagun asaminara luagu abahüdaguni luáguti Dawidi luma Hosafátü?