Gayaraati hídehan lúntima gunda hamá hiduheñu

Busenti Heowá lun gunda hamá iduheñu (Sal 127:3-5; Apu 9:9; 11:9). Gama lumoun, anihein dan lídanñadiwa lan lénrengunga o adügaadiwa lan somu charati, gayaraati ladügün katei le lun ua lan ugundani hadan iduheñu. Ka gayaraabei hadügüni iduheñu lúntima gunda hamá sun tílana muna?

Aban wügüri buiti, ru lumuti tufulasun lani weiriou tun (1 Fe 3:7). Sügüti dan tuma, magurabunti lóugiñe le gayara tubéi adüga ani teinki lumutu luagu sun le tadügübei luagu, luma hawagu tílana tuban (Kol 3:15). Ariñaga lumuti tun hínsiñe tan lun ani ayanuhati buidu tuagu (Ari 31:28, 31).

Aban würi maríeitu to buitu, súnwandan táfaagun lun túaradun luma le lanúadirubei tani weiriei ladügün (Ari 31:12). Inebeti tani weiriei tun ani íderagua tumuti (Kol 3:18). Ayanuhatu lun lau lubuidun igaburi ani buiti tayanuhan luagu houn amu (Ari 31:26).

Agübürigu ha buítiña, sügütiña dan hama hasaanigu (2 Lu 6:6, 7). Ariñaga hamuti houn hínsiñe hamá houn (Mt 3:17). Subudi hamuti kaba lan dan luma ida luba lan heweridiruniña ani súnwandan hadügüni lau ínsiñeni (Efe 6:4).

Isaanigu ha buítiña, gaganbaditiña houn hagübürigu ani inebetiña hagía houn (Ari 23:22). Ariñaga hamuti houn ka lan hasaminarubei luma ida liña lan hasandiragun houngua. Ánhatiña lun eweridihani le híchugubei hagübürigu houn ani arufuda hagía inebesei houn (Ari 19:20).

LÁRIGIÑE HARIHINI BIDÉU ADÜGA HUMÁ LUN GUNDA HAMÁ HIDUHEÑU, ÓUNABA HUMÉI ÁLÜGÜDAHANI LE:

Ka hadügübei kada aban hádangiñe iduheñu ha lídanbaña bidéu lun gunda hamá súngubei?