Gürigia ha asufurirubaña iyereehabúni lidan sun fulasu
Iyereehabúni aban luriban igaburi le wadarirubei lidan sun ubóu.
Sagü dan aganwoundeina liña ñunsu lidan páhina le ñein lubéi hadügǘwa umadagu ani aganbahóuati luagu asufuriruni le lanügübei iyereehabúni. Yúsutiña gürigia koréu, Internet luma katei líbeina lira lun hanabawagun hámagua. Ani besafu hádangiñe, súfuritiña lasaminarúniwa wuriba hawagu, ladügüniwa bula hau, hanabawagun, hasiadirúniwa luma lagünrinchawagun hamegen. Anihein saragu iyereehabúni lidan ubóu!
Afuranguagüdatu garüdia to ida luba lan wararamuni iyereehabúni. Mama aban uénedü katei le, inarüniti. Le linarün katei, lasusereduña asansiruni le lidan sun ubóu.