Ayanuha wamá luagu le furendei wamaalibei

Ruti waturiahanu Bíbülia gurasu woun, lau sun lira, létima íchugubei gurasu woun wayanuhan hama amu luagu le furendei wamaalibei tídangiñe Bíbülia, le íderagubaliwa lúntima wayarafadun lun Heowá. Ariñagati Ariñawagúni 11:25: “Ha íchugubaña, ibihatiña giñe”.

Ánhawa ayanuha luagu le furendei wamaalibei hama amu, líderagubadiwa lun buídutima lan gunfuranda wamani ariñahani luma lun waritaguni lau lumenrengun. Lanwoun lira, gúndaabadiwa ladüga subudi wamani lederebudagüdübei lan giñe ariñahani ligía hafiñen amu (Adü. 20:35).

Houcha humá hadügüni le: Áluaha humá chansi dimaasu le lun hayanuhan luma somu gürigia luagu le furendei humaalibei lídangiñe haturiahanu Bíbülia. Gayaraati hayanuhan luma somu hiduhe, luma aban íbiri le lílana damuriguaü o luma aban hupaaná lidan wadagimanu o leskuelarugu, aban hubesinan o hama gürigia lidan apurichihani. Áfaagua humá lun mibe lan hayanuhan ani ménrengun ligíame gunfurandawa lan, ani ariñaga huméi kei ligaburi hayanuhan.

Haritagua huméi le: Mama lun wapantahan luagu le furendei wamaalibei wayanuhan houn amu, wayanuhanbei houn lun wíchugun gurasu houn (1 Ko. 8:1).