Uremu 35
Eteingiruni luagu luguraasun Bungiu
1. Bungiu Heowá, gabafutibu,
hínsiñeti irichaü bun.
Gáriti bun barihini
ubóu lau bandi súfuri.
Kei le miábingili lubéi
lueirin buéyuri, Aburemei,
mosu weteingirunibu
luagu bugudemehabu woun.
2. Milu irumu bun, Heowá,
kéirügüñein wurinouga.
Málühali buéyuri
agidarei wuribani.
Houn ha masakürihangiña
rútibu chansi, Bungiu Heowá.
Ligía weremuhanbei bun
luagu buguraasun, Bungiu, woun.
(Arihualá giñe Luk. 15:7; 2 Fe. 3:8, 9.)