Uremu 22
Heowá núniribei
(Sálumu 23)
1. Kei Núniriñein lan Bungiu,
manufudebadina;
madaribadina úniri
le buíduti kei Heowá.
Lun néibugun lidan üma
le aubei lagundaara
adundeheina lumutina,
madireirun náamuga.
Adundeheina lumutina,
madireirun náamuga.
2. Dan néibuguni fulasu
le búrigatimabei
nubadugubeiñein Núniri,
ligía nichourunbei.
Aranseti bandi ibiñein
lun nuagun lan léserei;
ladüga neteingiradi lun
naganawa lúbiñe.
Ladüga neteingiradi lun
naganawa lúbiñe.
3. Hanarimeti lichú bau,
nalawahabadibu;
sun ínsiñeni le buágubei
arufuda baali nun.
Hanarimeti lebegi
bilurudun nun, Heowá;
Heowá, nariñagamémebei
houn amu areida ban.
Heowá, nariñagamémebei
houn amu areida ban.
(Arihualá giñe Sal. 28:9; 80:1.)