“Ru humá aban garüdia to wéiyaaru, to adimurehaboun luagu le habusenrubei gürigia hafurendeirun”
Lidan burí hati, dan le wapurichihan tau líburu Kátima san, adüga wamuti lun wagumeserun aturiahani tídangiñeti Bíbülia hama gürigia lidan furumiñeti bisida, anhein anuheinharu tubéi líburu hama gürigia ani mabusenruntiña haturiahan, gayarati wígirun aban garüdia to wéiyaaru houn, to adimurehaboun luagu le habusenrubei hafurendeirun. Ka uagu?
Adimurehatu La Atalaya, ¡Despertad! tuma burí amu garüdia, luagu ámuñegueinarügü tema. Háfuga laguuruboun somu katei lídangiñe le haliihabei gürigia ha unbaña wapurichiha, hanigi. Ligíati, mabulieida huméi hanügün fiú garüdia húmagua dan le hidin apurichiha, barǘ humá ámuñegueinarügü garüdia, anhein ua tubéi huma, gayarati hamuriahan fiú lidan damuriguaü. Ítarati, anhein anuheinharu tubéi líburu Kátima san hama gürigia ani máhatiña haturiahanu Bíbülia, gayarati harufudun somu tema tídangiñe furumiñeguarügü garüdia to húmaboun houn, ani amisuraha humaña lun hanúadirunu to habusenrubei tídangiñe. Lárigiñe gayarati hagiribudun amu weyu lunya hadimurehan hama gürigia hagía. Háfuga lau lásügürün dan gayarabei hánharun haturiahanu Bíbülia.