Amisuraha lumutiwa Bungiu lun lumadagu wamá

Busenti Bungiu lun gamadagua wamá luma. Subuditi san hun gayara lan gamadagua humá luma sífiri gürigia le wéirigutimabei ligibuagu sun ubóu? Lüha meha labagaridun aban wügüri Abüraámü líribei, wawati lun lumada Bungiu (Santiagu 2:23). Adimurehatu Bíbülia hawagu amu wügüriña hama würiña ha giñe gundaabaña lau hamadagua luma Bungiu ani wéiriti habinirúniwa. Uguñe weyu, gibetiñu gürigia lidan sun ubóu gamadaguaaña luma Bungiu. Hugía gayarati giñe lumada humá.

Buitimaati umadaguaü luma Bungiu luéi luma furumiñeguárügü gürigia. Maweiyasunti Bungiu acharara houn lumadagu ha gúnfulibaña lun (Sálumu 18:25). Buitimaati umadaguaü luma Bungiu sügǘ lau irisini. Dan le hóunwengun rísitiña, amu gürigia erederubaña lau haseinsun. Gama lumoun, ha gundaabaña lau hamadagua luma Bungiu gámatiña aban irisini úati ni aban lun gayara lan lagidaruni hawéi (Matéu 6:19).

Háfuga ñeinbaña gürigia ha mabuseeruntiñu lun hasigirun afurendeirei le larufudahabei Bungiu. Gayarati hadügüni íbini fiú hádangiñe humadagu o hiduheñu (Matéu 10:36, 37). Ánhein dügü hasíadira odi héherahan hau, álügüdagua humá hungua: “Ka nabuseerubei nagundaaragüdün, Bungiu o gürigia?” Samina huméi le: ánhein dügü erengua hun lun meigin humá, hadügüñein hamuga? Uá!Lun wabagaridun mosu weigin. Ítara liña, gayarati ladügün Bungiu lun habagaridun lun súnwandan. Ligíati, sigi huma afurendeira ida luba lan gamadagua humá luma Bungiu ani mígira humá lun lararamaguagüdünün ni aban (Huan 17:3).