Gefentiña luagu Heowá: arufuda hamuti hafiñen. Fánreinti 1: Háfuridun lídangiñe luburiga
Tidan Bíbülia konpararuati leiti luma inarüni, ánheinti luburiga luma iyeeni (Sal. 43:3; Isa. 5:20). Dan le leyeedunbarun Satanási Ewa, aba lagumeserun ubóu aburigada. Uguñe weyu, sun ubóu lídanñein lanarime luburiga (Aruf. 12:9). DVD le gíribei Los testigos de Jehová: una historia de fe viva. Parte 1: Salen de la oscuridad afuranguagüda lumuti ida liña lan lagumeserun inarüni luagu Bungiu afuranguda kamá aban leiti (Isa. 60:1, 2). Lárigiñe harihini, houcha humá hóunabuni álügüdahani burí le.
1) Ida liña aganwoundeina lan luburiga ubouagu lárigiñebei hóunwegun apostolugu? 2) Lúmagiñe sígulu duusu, ka burí katei íderagubaliña gürigia lun harihini luagu mama lan tarufudahañein Ligilisi inarüni? 3) Kátaña meha san Henry Grew luma George Storrs? 4) Ka burí sügǘ gánibei óunwebu efekütu lidan libagari Charles Russell? 5) Ida liña meha laturiahanu íbiri Russell Bíbülia úara luma lúguchi hama fiú lasubudiragun? Ka meha desidírü habéi hadügün? 6) Ida liña hóundarun gürigia ha aturiahabarun Bíbülia luma Russell úara hama ha aturiahabaña luma Nelsoun Barbour? Ka uagu hafanreinragua? 7) Ka katei asusereduti lidan irumu 1879 agumeserubei aban iseri dan lánina larugounga? 8) Lúmagiñe dan ligía, ka hadügübei Aturiahatiña Bíbülia hagía lun haburuchaguagüdüni lapurichihóun uganu buiti? 9) Saragu irumu lubaragiñe 1914, ka meha hagurabahabei Aturiahatiña Bíbülia lasusereduba lan lidan irumu ligía? 10) Lárigiñe lounwen íbiri Russell, ka burí lénrengunga úmabei hagagibudagua Aturiahatiña Bíbülia? 11) Ka hadügübei Aturiahatiña Bíbülia dan le lalibürerunwabei íbiri Rutherford hama lánigu paaná? 12) Ida liña líderagunün DVD le lun laganwoundun hínsiñehabu luagu lóundarun Heowá? 13) Ida liña líderagunün DVD le lun desidírü humá hasigirun apurichihei uganu buiti lau ubebeni íbini lidan lénrengunga? 14) Ida luba hayusuruni DVD le lun híderaguniña hiduheñu, gürigia ha aturiahabarun Bíbülia huma hama amu gürigia?
Ma lubuidun alagan le hígirubei furumiñetiña Aturiahatiña Bíbülia woun! Íbini lídanñanu lan meha aban ubóu buin lau luburiga ladüga libidiñe inarüni luáguti Bungiu houn gürigia, barǘ hamuti larugounga lau ganigi luma ubebeni. Áyeiha waméi hani hénpulu ani sigí wamá éibuga “keisi gürigia ha éibugubaña lidan larugounga” (Efe. 5:8).