Asansiruni lidan adamuridaguni le wadügübei labadinagua dimaasu
Lúmagiñe dimaasu le lánina 3 lidan nefu-hati, mámaalime wein-seingü minutu lidura Taturiahóun Bíbülia lidan Damuriguaü, darandihalime minutu lidura. Lidan ebelaagülei, lígiruba íbiri le lunbei lalidihani aturiahani aban minutu lun láguyuguagüdüni leksióun le wafurendeirubei lidan dimaasu le ásügürübei. Anihein giñe asansiruni lidan Adamuridaguni lánina Eseriwiduni: mámaalime darandi-seingü minutu lidura, darandirügaalime. Lagidarúba seksióun lánina awisahani. Lúmagiñe guentó, furumiñeguarügü awisahani le súdiniti, ladügǘba lidan lagumeserun furumiñeti yanu lidan Adamuridaguni lánina Eseriwiduni. Libe-agei dan murusunrügübei awisahani —ani anihein dan úabei lan ni aban—, lugundun mariñawagúnwaalime le lunbei lakutihóun lidan adamuridaguni. Moun lumuti lichugún awisahani luagu apurichihani ni luagu arumadahani. Moun lumuti giñe lichugún awisahani luagu mábuigaü (km-S 10/08 páh. 1 pár. 4). Anhein lichugúba lubéi somu awisahani le migifeti, buídubei lun hasubudiragüdüni lau dan houn íbirigu ha lúnbaña gani hamá fánreinti, lun gayara lan hagidarun murusun lídangiñe yanu le lunbei híchuguni.